Alketa Maksuti Beqari: NESËR DUA DASHURI

Alketa Maksuti Beqari

NESËR DUA DASHURI

Nesër do të ndjehem e paturpshme
Se ty të përkas, e dashuri do bëj me ty,
Sa herë të dua, aq sa puthjet të zjarrmojnë
Buzët e mia.

Ndër deje, gjaku erotik ngreh dallgëzimin
e ndër mure të tyre përplaset vrullshëm, i zgjeron.
Ah, ky gjak, gjak erotik, shpërrthen venat e mia,
i nxehtë, përvëlon.

Ky është njeriu, gjak erotik.
Me tul mbështjellë fijëzat e holla, e tuli nën lëkurë
lëkundjet, dallgëzimet, rrjedhën e përshpejtuar
ndjen.

Ky është njeriu, gjak erotik.
Që trupin e turpshëm, zbulon e lë në liri
e me flladin e flakëzuar nga zjarri mbulohet,
ethshëm.

Ah, ky gjak, gjak erotik, zgjon e çon shpirtin
Tim të lartësohet. E unë paturpshëm nesër
do të zgjoj herët, sa dita të lind që ta lindim 
Dashurinë. 

13 shkurt 2018