 |
| Haki Morina |
ME TY
Më ty dua të bredh
tingujve të rrjedhës së ujit
të shikoj valsin e yjeve të natës
dhe sytë e blertë të Kleopatrës
Me ty dua të ngarend
ëndërrave të zgjuara
strukur nen çarçafin e reve
netëve të bardha
Me ty moj - dua të shëtis
e të zbres në freskinë e malit
që era trupin të ma ledhatoj
pastaj... të mbjell trëndafila
në Kopshtin e Edenit
Me ty botën dua ta përshkoj
e të kthehem udhës së fëmijëve
që verës nën hije qershie
ta shkruaj librin e dashurisë
